صفحۂ اول / انٹرٹینمنٹ / پی ٹی وی کے ایم ڈی، نعیم بخاری کے عتاب کا نشانہ بن گئے

پی ٹی وی کے ایم ڈی، نعیم بخاری کے عتاب کا نشانہ بن گئے

آن لائن: پی ٹی وی کے مینجنگ ڈائریکٹر عامر منظور بھی نعیم بخاری(چیئرمین پی ٹی وی) کے عتاب کا نشانہ بن گئے، اور نام نہاد چارج شیٹ کے ذریعے معطل کردیے گئے۔

ذرائع کے مطابق ایم ڈی پی ٹی وی عامر منظور نے نعیم بخاری کے غیر قانونی احکامات ماننے سے انکار کر دیا تھا۔

جس پر نعیم بخاری نے پی ٹی وی بورڈ کو استعمال کرتے ہوئے ان کے خلاف انتقامی کارروائی کی، اور انہیں چارج شیٹ بھی کر دیا۔

جس پر عامر منظور کا یہ موقف سامنے آیا ہے کہ یہ سب کچھ نعیم بخاری کی ایماء پر ہو رہا ہے اور جو چارج شیٹ میں ان پر الزامات لگائے گئے ہیں وہ قطعی طور پر بے بنیاد اور حقائق کے برعکس ہیں۔

ان کا یہ موقف ہے کہ وہ ادارے کو مستحکم کرنے کی کوشش میں مصروف تھے لیکن نعیم بخاری کو یہ سب پسند نہیں آیا۔

اور انہوں نے من مانی پر مبنی فیصلے کرتے ہوئے انہیں چارج شیٹ کیا، ایم ڈی کا یہ بھی موقف تھا کہ وہ اس سرکاری ادارے کو قواعد کے تحت چلا رہے تھے۔

اور جو منڈیٹ عمران خان نے دیا تھا اس کے مطابق آگے بڑھ رہے تھے۔

انہوں نے کہا کہ پی ٹی وی کو مالی طور پر بہتر کرنے کی کوششیں بارآور ثابت ہوئیں اور اس ریاستی ادارے نے آپریشنل منافع بھی دکھانا شروع کر دیا تھا۔

اس کے باوجود ان کے خلاف ایک منظم مہم چلائی گئی اور ان پر بے بنیاد الزامات عائد کر کے کارروائی کی گئی۔