صفحۂ اول / انٹرٹینمنٹ / ہریتھک روشن ہسپتال کے چوکیدار پر بھڑک اٹھے، ویڈیو سوشل میڈیا پر وائرل
Bharti Actor Hiritk

ہریتھک روشن ہسپتال کے چوکیدار پر بھڑک اٹھے، ویڈیو سوشل میڈیا پر وائرل

آن لائن، ویب ڈیسک: بھارتی فلم انڈسٹری کے مشہور اداکار ہریتھک روشن ہسپتال کے چوکیدار پر بھڑک اٹھے، ویڈیو سوشل میڈیا پر وائرل۔

بھارتی اداکار ہریتھک روشن کو ہمیشہ سب کے ساتھ ہنستے ہوئے اور انتہائی دھیمے لہجے میں بات کرتے ہوئے دیکھا گیا ہے۔

چاہے وہ کسی پارٹی فنکشن میں ہوں، اداکاروں کے ساتھ یا اپنے مداحوں کے ساتھ، ہریتھک روشن ہمیشہ مسکراتے ہوئے نظر آتے ہیں۔

تاہم سوشل میڈیا پر ایک ویڈیو وائرل ہورہی ہے جس میں ہریتھک ہسپتال کے چوکیدار کے ساتھ انتہائی غصے میں بات کرتے ہوئے نظر آرہے ہیں۔

بھارتی میڈیا کے مطابق ویڈیو میں دیکھا جاسکتا ہے کہ ہسپتال کا چوکیدار ہریتھک کو  اندر داخل ہونے سے روکتے ہوئے دوسرے دروازے سے جانے کا کہتا ہے۔

جس پر وہ بھڑک جاتے ہیں اور غصے میں کہتے ہیں کہ “ارے تو بولو نا ایسے” جس کے بعد ہریتھک روشن چوکیدار کو غصے سے دیکھتے ہیں اور وہاں سے چلے جاتے ہیں۔

بھارتی میڈیا کا کہنا ہے کہ ہسپتال نے کووڈ ایس او پیز کی وجہ سے داخلے کے لیے دوسرا دروازہ کھولا تھا تاہم ہریتھک کے علم میں شاید یہ بات نہیں تھی۔

جس پر ان کو غصہ آگیا اور وہ چوکیدار پر بھڑک اٹھے تاہم ہریتھک روشن کی جانب سے ویڈیو سے متعلق ابھی تک کوئی بھی بیان سامنے نہیں آیا ہے۔