صفحۂ اول / تازہ ترین / داڑھی والے مرد جب خوش ہوں تو کلین شیو والے مردوں کی نسبت زیادہ خوش نظر آتے ہیں
fashion articles

داڑھی والے مرد جب خوش ہوں تو کلین شیو والے مردوں کی نسبت زیادہ خوش نظر آتے ہیں

fashion articles

کنبرا (ویب ڈیسک):  اکثرلوگ اداکاروں کودیکھ کر داڑھی رکھنے کاشوق پوراکرتےہیں اور آج کل یہ فیشن بھی بن چکاہے۔تاہم سائنسدانوں نے اب اس فیشن پرتحقیق کےبعدداڑھی والے مردوں سےمتعلق حیران کن بات کہہ دی ہے۔

میل آن لائن کےمطابق آسٹریلیا کی یونیورسٹی آف نیو انگلینڈ کےسائنسدانوں نے 700افراد پرمشتمل تحقیقاتی سروے کے نتائج میں بتایا ہے کہ داڑھی والے مرد جب خوش ہوں تو کلین شیو والے مردوں کی نسبت زیادہ خوش نظر آتے ہیں اور جب غصے میں ہوں تو بھی کلین شیو مردوں کی نسبت زیادہ غصے میں نظر آتے ہیں۔  یہ داڑھی کا اثر ہے جو ان کے چہرے کے تاثرات کو خواہ وہ خوشی کے ہوں یا غصے کےشدید تر کرتا ہے۔

 رپورٹ کے مطابق اس تحقیق میں سائنسدانوں نے پہلے چند مردوں کی بغیر داڑھی والی تصاویر شرکاءکو دکھائیں جن میں کچھ مرد غصے میں تھے اور کچھ کے چہرے پر خوشی کے تاثرات تھے۔  پھر انہوں نے انہیں تصویر پر داڑھی لگا کر لوگوں کو دکھایا۔

جن مردوں کی تصاویر خوشی کے تاثرات والی تھیں اور جن کی غصے کے تاثرات والوں کی ان دونوں کے متعلق اب کی بار شرکاءنے کہا کہ یہ بالترتیب پہلے سے زیادہ خوش بھی لگ رہے ہیں اور پہلے سے زیادہ غصے میں بھی ہیں۔ حالانکہ ان کے چہرے کے تاثرات بالکل وہی تھے صرف چہرے پر داڑھی کا اضافہ کیا گیا تھا۔

تحقیقاتی ٹیم کی سربراہ ڈاکٹر بیلنڈا کریگ کا کہنا تھا کہ داڑھی جبڑوں کو زیادہ نمایاں کر دیتی ہے جس کی وجہ سے مرد خوشی کی حالت میں ہوں تو زیادہ خوش اور غصے کی حالت میں ہوں تو زیادہ غصے میں لگتے ہیں۔ہم نے اس سروے میں ان مردوں کے مجموعی شخصی تاثر کے بارے میں بھی سوال کیا جس کے جواب میں زیادہ تر شرکاءنے داڑھی والے مردوں کو زیادہ مہربان  فرمانبردار اور قابل اعتبار قرار دیا۔ اس کے برعکس بہت کم لوگوں نے کلین شیو مردوں کو قابل بھروسہ کہا۔